Overblog
Editer l'article Suivre ce blog Administration + Créer mon blog

Le Monde du Sud// Elsie news

Le Monde du Sud// Elsie news

Haïti, les Caraïbes, l'Amérique Latine et le reste du monde. Histoire, politique, agriculture, arts et lettres.


Note du parti Rasin Pèp La sur le choix du doyen des juges Mécène Saint- Louis de la Cour de Cassation suite à la fin du mandat de JOVENEL

Publié par siel sur 8 Février 2021, 22:27pm

Catégories : #AYITI EXTREME DROITE, #AYITI ROSE RAKET, #AYITI ECONOMIE, #PEUPLE sans mémoire..., #DUVALIER

Note du parti Rasin Pèp La sur le choix du doyen des juges Mécène Saint- Louis  de la Cour de Cassation suite à la fin du mandat de JOVENEL

Description : logo_kpRasanbleman Sosyalis pou yon Inisyativ Nasyonal tou Nèf

Pati RASIN Kan Pèp La

Tel : (509)3837-1899, 3760-0043, E-mail : rasinkanpep@gmail.com

Facebook: Pati Rasin Kanpepla   

Twitter: Pati RASINkanpepla  

 

AYIBOBO POU REZOLISYON CSPJ A

Pozisyon RASIN Kan Pèp La sou Rezolisyon CSPJ pran 7 fevriye 2021 an konsènan fen manda Prezidan Jovenel Moise la. Pa gen wout pa bwa, se dènye kout tiwèl la pou nou antere rejim PHTK ak plan lanmò li a.

Se pa premye fwa tout kouch nan sosyete ayisyèn Lan mete vwa yo ansanm pou dezapwouve Prezidan Jovenel Moise jan nou te konstate sa pandan peryòd peyi lòk la. Men fwa sa se konstitisyon peyi a ki di manda prezidan an fini 7 fevriye 2021 nan atik 134-2 li.

Tout enstitisyon peyi a pran pozisyon klè kou dlo kòk ni nan sosyete sivil la, ni nan Leta pou mande ansyen chèf Leta a respekte konstitisyon li te sèmante sou li lè li t ap monte sou pouvwa a. RASIN Kan Pèp La ap raple Konstitisyon an rekonèt 3 enstitisyon ki pataje jesyon pouvwa peyi a : se Egekitif la, Lejislatif la ak Jidisyè a. Nan lang franse yo pale de <co-dépositaire de la souverainneté nationale>. Pouvwa lejislatif la a travè Prezidan tyè sena a ki rete a evoke atik 134-2 nan denye rankont li ak Jovnèl Moyiz. CSPJ pwononse li nan menm sans lan lè li rekònèt nan yon rezolisyon li pibliye jodi a manda Prezidan an bout 7 fevriye 2021 an. N ap raple ni lakou kasasyon ni Kou Siperyè kont yo (CSCCA) te deja pran pozisyon nan refize avalize nominasyon KEP ilegal e antikonstitisyonèl Jovnèl Moyiz la.

Se toupatou sou latè òganizasyon, rezo pwogresis ak pèsonalite tankou pri Nòbèl Adolfo Perez Esquivel, Nora Cortiñas, ansyen Prezidan Evo Morales, COPPPAL (Konsèy Pèmanan Pati Politik Amerik Latin yo), CLACSO, plis pase yon dizèn òganizasyon nan peyi brezil, pami yo MST, pou nou site sa yo sèlman denonse Jovnèl Moyiz ak volonte li genyen pou li retabli diktati an Ayiti.

Youn nan konsekans rezolisyon CSPJ a fòk Ansyen Prezidan an renmèt echap prezidansyèl la jan konstitisyon an egzije l, jan sa toujou fèt tradisyonèlman yon mannyè pou evite peyi a tonbe nan yon katyouboumbe. Olye ansyen prezidan an aranje l pou remèt echap la, se zak abitrè li poze jou 7 fevriye a menm, yon fason pou di nou aklè li koupe fache nèt alkole ak zafè demokrasi a. Nou pap pran nan okenn mannèv kote PHTK ap fè paskout pou konsève pouvwa a. Nou denonse dyalòg, Prezidan swadizan Sena a ki toujou ap defann PHTK, lanse pou li ka kontinye woule nou nan farin. Egzekitif ki pou ranplase pouvwa defakto Moyiz-Jouthe la dwe ofri tout garanti Pèp ayisyen an bezwen pou yon tranzisyon souvren kote nou koumanse rekipere dwa grandèt majè peyi a, yon tranzisyon koupe fache ki ka fè lespwa jèmen e grandi nan peyi a. Lespwa nou pral kapab konstwi yon lòt leta, yon lòt sosyete ki chita sou libète ak jistis e koumanse bati chimen pou nou kaba ak eksplwatasyon.

RASIN Kan Pèp La kondane tout zak briganday antre lakay sitwayen pa lafòs, arete yo, maspinen yo sou pretèks koudeta. Divès peryòd diktati abitye nou ak move fim sa yo. RASIN note se Jovenel Moise menm ki fè yon koudeta kont pèp la, kont konstitisyon peyi a. 7 feriye 1986 pèp la te mete do diktati divalye yo atè. 7 fevriye 2021 Jovenel Moise nan konplisite ak sektè boujwa reyaksyonè a mete ak BINUH foule konstitisyon peyi a anba pye e kraze tout gany demokratik nou te fè yo. Li di l ap kwoke nan gòj pèp la kote li rekònèt se toufe l ap toufe nou. Li voye yon siyal klè jodi 7 fevriye 2021 an. Lè prezidan kriminèl la derefize kite pouvwa a, li antre an rebelyon kont  lalwa ak konstitisyon peyi a. Li vini otomatikman yon prezidan defakto.  Se popilasyon an ki pou leve kanpe nan 4 kwen peyi a pou kenbe flanbo mobilizasyon an de manyè aktiv nan fason ki pi kadre ak zòn kote chak moun ap viv .

RASIN Kan Pèp La rete solidè ak tout moun k ap sibi zak kraponnay, entimidasyon, pèsekisyon ak maspinay tankou sa k sot rive sou fanmi Buteau yo, fanmi Gauthier, Jij Dabrezil ak tout lòt sitwayen yo mete anba kòd dèyè do lalwa. Zak sa yo dwe sèvi angrè pou pouse kòlè pou fini tout bon vre ak sistèm kowonpi sa a. Fòk nou kanpe koudeta PHTK-Jovnèl-Martelly ap fè kont nasyon an. Tout gwoup oubyen moun ki pa pran pozisyon klè devan move zak sa yo se konplis e pèp la ap mete yo nan menm panye (poubèl listwa) ak Jovenel ak G9 ak alye.

RASIN Kan Pèp la leve vwa li pou pwoteste kont arestasyon abritè ak maspinay k ap fèt sou sitwayen peyi a san rete depi prèske 3 lane. RASIN mande liberasyon prese prese tout moun yo arete nan kad represyon politik. Fòk yo libere tout prizonye politik yo touswit.

 

VIV LIT PEP AYISYEN- VIV 7 FEVRIYE 86- VIV SOLIDARITE POPILÈ

PÈP AYISYEN PA GEN DWA JANM TOUNEN NAN DIKTATI ANKÒ.

 

Marc-Arthur Fils-Aimé                                                                           Camille Chalmers

Sekretè Jeneral                                                                                        Potpawòl

Commenter cet article

Archives

Nous sommes sociaux !

Articles récents