Overblog
Editer l'article Suivre ce blog Administration + Créer mon blog

Le Monde du Sud// Elsie news

Le Monde du Sud// Elsie news

Haïti, les Caraïbes, l'Amérique Latine et le reste du monde. Histoire, politique, agriculture, arts et lettres.


 Komite Mobilizasyon kont Diktati ann Ayiti (KOMOKODA) Manifestation à New York de midi à 3h PM

Publié par siel sur 29 Mars 2021, 11:12am

Catégories : #AYITI ACTUALITES, #AYITI EXTREME DROITE, #AYITI ECONOMIE, #PEUPLE sans mémoire..., #DUVALIER

 
 Komite Mobilizasyon kont Diktati ann Ayiti (KOMOKODA)
208 Parkside Ave. 
Brooklyn, NY 11226
347-730-3620; 917-345-2817
komokodanyc@gmail.com

 
 
29 mas 2021
 
Gaye Prese Prese
 
Kontak: Dahoud Andre, 347-730-3620
                Marie Lourdes St Jean Beauté, 917-345-2817
 
29 mas 2021: Jounen Entènasyonal Solidarite ak Ayiti
 
Nouyòk di Ayiti Kenbe Djanm, Pa Moli:    Aba Restavèk Jovenel Moise!
                                                                                          Aba Enperyalis Meriken!
                                                                                          Viv Ayiti!
 
Sa k ap fèt: Manifestasyon jodi a, Lendi, 29 mas 2021, Midi pou 3pm
 
Ki kote:    @ Misyon Etazini nan Nasyonzini
                     799 UN Plaza, New York, NY 10017
                     45th Street & 1st Avenue nan Manhattan
 
(Trains 4, 5, 6, 7 desann Grand Central; Mache rive nan 45th Street & 1st Avenue)
 
Jodi lendi 29 mas 2021 an fè 34 lannen depi yon fòs majorite elektora Ayisyen an t al vote Konstitisyon 1987 la. Pèp la te abiye an blan al vote konstitisyon sila a pou l te montre jan l te koupe fache ak diktati Duvalier a, yon diktati Meriken te kore pandan tout 29 lannen asasen kriminèl sa yo te fè opouvwa a.
 
Yon lòt fwa ankò, pèp Ayisyen an nan lari ap goumen pou kapote yon lòt diktatè k rele Jovenel Moise-PHTK. Se menm Gouvènman Meriken an ki te fè mannigèt nan eleksyon fo mamit pou enstale ti vòlè apatrid sila a alatèt peyi nou. Depi anvan eleksyon an tribinal peyi a te gen tan enkilpe Jovenel Moise pou dwèt long siperyè. PHTK fè peyi a konnen sasinay, kidnapin, kadejak, koripsyon nan yon nivo nou pa t janm ka imajine. Mèsenè Meriken, federasyon gang, masak sou inosan nan katye popilè vin mak fabrik asasen PHTK yo. 
 
Nan mwa k sot pase a Jovenel Moise arete, li revoke, li ranplase jij nan Tribinal Kasasyon. Pèp la rele Aba! Apatrid la reponn "Detay!" Li fè konnen pèp la pa ka bloke l. L ap mache tèt dwat nan chimen yon nouvo konstitisyon pèpè ak eleksyon li deja sèmante l ap genyen. Yo deside y apral elimine premye minis; Bay prezidan an plis pouvwa; Ba l dwa pran yon dezyèm manda yonn apre lòt; Anplis, pou premye fwa nan listwa peyi nou moun ki gen paspò etranje apral gen dwa kandida pou prezidan Ayiti. 
 
Grenn fil ki kenbe enkilpe a ak ekip trèt PHTK yo opouvwa se Etazini ak bizawèl li yo nan Core Group la, nan OEA, ak nan Nasyonzini. Kòm Jovenel Moise se ti sousou yo l ye, yo ba l lisans pou l kale dada l jan l pito.
 
Vin ede nou kore pèp Ayisyen an ki nan lari a k ap goumen pou liberasyon l ak emansipasyon l. 
 
Pami vil atravè mond la k ap genyen manifestasyon nan kad "Jounen Entènasyonal Solidarite ak Ayiti" a, genyen: Atlanta, Boston, Caracas, Chicago, Miami, Montreal, Newark, New York, San Juan, Santo Domingo, Paris, Philadelphia, Washington, DC, ak Ottawa.
 
Òganizasyon nan zòn New York la ki siyen apèl pou manifestasyon sila a ansanm ak KOMOKODA:
 
·      Haitian Women for Haitian Refugees
·      CREFODEL-NY
·      New Abolitionist Movement
·      Socialist Action
·      Anticonquista
·      Anti-War DSA
·      Latino Socialists
·      Mexicanos Unidos
·      The Green Party NJ
·      Haiti’s W.O.M.B. 1804
·      Flanbwayan Haitian Literacy Project
·      CODEPINK
 
Tanpri pataje mesaj sila a ak fanmi ak zanmi w.
 
#30# 

Commenter cet article

Archives

Nous sommes sociaux !

Articles récents