Overblog
Editer l'article Suivre ce blog Administration + Créer mon blog

Le Monde du Sud// Elsie news

Le Monde du Sud// Elsie news

Haïti, les Caraïbes, l'Amérique Latine et le reste du monde. Histoire, politique, agriculture, arts et lettres.


LU sur le net (en créole) : Opinyon ak analiz sou jan Ameriken pran kontwòl ankèt sou asasina Prezidan Jovenel Moise lan. 

Publié par siel sur 10 Février 2022, 23:53pm

Catégories : #LU SUR LE NET, #AYITI EXTREME DROITE, #AYITI ROSE RAKET, #AYITI ECONOMIE, #PEUPLE sans mémoire..., #DUVALIER

LU sur le net (en créole) : Opinyon ak analiz sou jan Ameriken pran kontwòl ankèt sou asasina Prezidan Jovenel Moise lan. 

Mardochee David Jean-Pierre
 
il y a 1 jour
Opinyon ak analiz sou jan Ameriken pran kontwòl ankèt sou asasina Prezidan Jovenel Moise lan. 

Fòk on moun entèlijan anpil e eseye konprann sa kap pase la. Pa kite emosyon potew ale. Reflechi e fè analiz paw ak tèt frèt. Pa kite moun dirije opinyonw. Pa prese fè konklizyon paske aprè mòd zak sa yo toujou gen anpil konfizyon, pawòl anpil, fo pis, fo koupab, san konte vrè koupab yo kap kreye divèsyon, bouye pis pou yo ka efase tras yo.


M pa akize pesònn. M jis ap konpare e analize istwa tout konplo, koudeta ak asasina politik ke CIA, KGB/FSB, MOSSAD, SAVAK, MI6/MI5, DGSE, poum site sa yo selman, konn abitye fè. 

Men kèk egzanp lan istwa:

On latriye tantativ asasina sou Fidel Castro (CIA), debakman Baie des Cochons (CIA). Arthur Payne, youn lan sitwayen Ameriken ak Alix Pasquet ki te tante chavire Duvalier an 1958. Patrice Lubumba (CIA). Ameriken touye kat prezidan pal an fonksyon (pa janm gen rezilta ankèt konkrè). Tout konklizyon di se on grenn moun fou ki te aji pou kont li. Nou wè sak te rive nèg ki te tire sou Prezidan Kennedy an (jiskaprezan on bon posyon lan rapò ankèt la toujou klasifye). Tantativ asasina sou Prezidan Evo Morales an 2009. Koudeta kont Prezidan Evo Morales an 2020. Tantativ koudeta kont Prezidan Luis Arce an 2021 ki te gen kèk eleman Kolonbyen ki enplike lan asasina Prezidan Jovenel Moise. Tantativ koudeta kont Prezidan Hugo Chavez an 2002. "Operation Gideon" Venezuela an 2020. Koudeta kont Prezidan Aristide an 1991. CIA te monte e finanse FRAPH de 1991 a 1994. Emmanuel Toto Constant te avwe sou "CBS 60 minutes" ke li tap travay pou CIA. Raoul Cedras, Michel Francois ak plizyè lòt gwo chèf Lame Dayiti tap travay pou CIA. Etazini te envante prèv pou anvayi Iraq. Tout enfomasyon sa yo lan domenn piblik. Nou ka verifye yo pou kont nou.

1. Etazini pran kontwòl ankèt la pou pwòp enterèl e poul ka jwenn dosye sal poul ka kontinye fè chantaj e kase ponyèt moun kowonpi isit.

2. Tout moun konnen kounya ke Joseph Felix Badio, Joseph Vincent, James Solages, Rudolph Jaar se enfòmatè DEA. Yap plede di ansyen enfòmatè - radòt - Ou enfòmatè pou lavi. Epitou plizyè lan ansyen militè Kolonbyen yo se enfòmatè/anplwaye DEA ki konn abitye fè operasyon pou Etazini kont katèl dwòg yo. Eske se pat on vrè operasyon DEA ki mal pase? Eske tout swadizan ansyen enfòmatè ak anplwaye DEA sa yo tap aji pou kont you? Antouka, DEA gen kesyon poul ta reponn paskel pèdi kontwol anplwayel yo.

3. M pap aprann pyès moun anyen. Lan tout bon ankèt sou on gwòse zak konsa anglè a di "follow the money trail", sa vle di swiv tras lajan an. Poukisa chèf "Worldwide Capital Lending Group" "Walter Veintemilla" ki te prete CTU lajan pou finanse operasyon an pa lan prizon Florida? Poukisa chèf CTU a "Antonio Intriago pa lan prizon Florida? Ni Veintemilla ak tout Intriago admèt bay FBI ke yo te voye ansyen solda Kolonbyen yo arete Prezidan Jovenel Moise sou baz on manda on jij Ayisyen te mete deyel. Kiyes ki bay yo pouvwa sa?

Arcangel Pretel alias Gabriel Perez" se enfòmatè FBI. Misye lan mawon kounya. Se li ki tap kowodone operasyon an depi Florida. E se li daprè Palacios Palacios ki te responsab "plan eksfiltrasyon" aprè misyon an.

Poukisa FBI pa fè mete on manda INTERPOL deyel?

Poukisa medya entènasyonal yo pa pale de Veintemilla, Intriago ak Arcangel Pretel ankò? 

Poukisa FBI pa enterese konn kiyes ki te bay Veintemilla ak Intriago kontra sa?

Antonio Intriago, Walter Veintemilla, ak Arcangel Pretel (alias Gabriel Perez) fè pati de dezyèm etaj konplo a. Tout moun ki lan prizon Ayiti, Etazini ak lòt peyi lan twazyèm etaj konplo a. Yo se pyon, "executants, subalternes", yo tout se pou moun yap travay. 

Siw vle respekte "hierarchie" sa yo rele "chain of command" an anglè -- kiyes ki ka mennenw kot gran boss la? Moun ki lan twazyèm etaj la oubyen moun ki lan dezyèm etaj la?

Antouka, m byen enstalem sou ti chèz bam.

Commenter cet article

Archives

Nous sommes sociaux !

Articles récents